ليه الظلم والقسوه والغيره والمضايقه ونكون سبب ف فراقنا.
دا احنا كنا ف يوم أحبه وكان بينا عشره والحب كان مالى قلوبنا.
لازم نراجع حساباتنا ونفتح صفحه تكون سبب ف هدايتنا ونخلى الحب يجمعنا.
خلاص العمر عدى ولسه زى ماحنا والشيطان مسيطر ع عقولنا.
دا الحب نعمه ربنا أرسلهانا لازم نحسن من أعمالنا ونريح ضمايرنا.
لحد امتى الكره مفرقنا والظلم معشش ف قلوبنا وكل يوم دموع واقفه ف طريقنا.
لازم نهدى ونبين إخلاصنا وحبنا لأهالينا وصحابنا والناس اللى تعرفنا.
دا العمر لحظه ودنيا فانيه وربنا هايحاسبنا ع نيتنا وأعمالنا.
فين الحكمه اللى كانت بتشغلنا والحب اللى كان بيجمعنا .
بلاش عتاب ومجادله وننسى ونشوف الشئ اللى يناسبنا ويحسن من عيوبنا.
كترت زنوبنا واخطانا حتى الكلمه الحلوه مالهاش وجود مابينا.
ياجماعه الرحمه دا احنا بشر والدين والشرع يحكمنا والموت ف انتظارنا.
يارب توب علينا وسامحنا وطهر نفوسنا من الحقد والكره اللى ف نفوسنا.
هانرجع ونمارس نشاطنا وهانكون ايد واحده بس ترضى عنا وتفتح طريق لينا يناسبنا.
ويكون سر السعاده بالنسبالنا وتحقق أمانينا وأحلامنا وتحافظ ع حبنا وإحترامنا....
الشاعر /طاهرمختار
شاعرالعصر/تحيا مصر
طنطا/كفرالزيات/اكوه الحصه
ليست هناك تعليقات:
إرسال تعليق