☆☆اليها☆☆
كل يوم شوقى ليكى بيذيد
وحبك يكوي فى ضلوعى
مكنش ذنبى تبقى بعيد
واكتبلك شوقى بدموعى
وعينى تكلم كل يوم عينك
وعارفك عايشة لرجوعى
ياغالية والكلام ليكى
طالب العفو سامحينى
ياريت اقدر على زمنى
وارجع عمرى وسنيني
واعوض قلبى من الحرمان
وابعتلك روحى وتجينى
واقسملك يا أعز الناس
معاد فى قلبى غير صورتك
وحبك دم فى عروقى
وعايش بيه على سرتك
وجرحى لما يؤلمنى
واروح لطبيب يقول اسمك
والاسم كان على لسانى
نسيته وأقول على إسمك
واتارى طبيبى كان مجروح
بنفس الأه بيتألم
ولغة العين كتاب مفتوح
تعرفها بدون متتكلم
وبسرعة راح كتبلى دواه
ودموعة لبعضها تسلم
وقاللى تروح لأى مكان
بعيد ولا فيه كمان إنسان
وتنفذ كل ما أوصيك فى
كتابى وفى غاية الكتمان
وقلت ابص على المكتوب
لاقيته كاتبلى على النسيان
وحاطت تحت منه سطور
أشد وأقوى من الحرمان
سالتة وقلت ليه يا طبيب
اتعالج من عذاب بعذاب
ضحك والتفت لى وقال
متخدش كلامى باستغراب
ومن امتى الهوى كان له طبيب
سؤال عمرة ما كان له جواب
بقلمي ♡♡مسعد الغنام ♡♡
ليست هناك تعليقات:
إرسال تعليق