رايتي
حتى لاين ف الفرقة
ياحروف الشقا(ء)
تشيخ وتبقى
ف داتي حلقة
سايبة وحمقا(ء)
تجيني الدقة
والمناصب معلقة
بالقوة موتقة
نسات خليقتي
تقري خليفتي
سطور قصيدتي
وقوافي قيمتي
ف محراب كرامتي
واتنسات هيبتي
تهرست مرايتي
وتشروطت رايتي
دمي رخاص
تبجح القناص
مالحقو قصاص
التعنيگة والاخلاص
ف رواية الخلاص
يغلي الامتعاص
بركان ف طاس
ودوخة ف الراس
بكات عيني
زمان عزي
بدموع مدادي
ف خد وراقي
حروف تعزيني
ف موت عقلي
والقلم العربي
وانا الغبي
مول الامانة
ماكتب امانتو
مول الكرامة
ماقرا كرامتو
كلها حروف
والمعنى ف الشوف
كلها وفهامتو
فين يدفن اميمتو
بقلم ادريس جبيلو
المغرب
ليست هناك تعليقات:
إرسال تعليق