++ قلبي وهوى الرجال++
غلطة وما كانت ع للبال
غيرت سير الاحوال
فكت قلبي من الأسر
وبلتني بهوى الرجال
غلطة ولو مش مردودة
حطت بروابي جرودي
خربطت لي في وعودي
وحملتني الما بينشال
وغلطة الشاطر بالحب
اعيت الحكما والطب
يا ربي عفوك يا رب
تقلت على قلبي الحمال
اول غلطة والتاني
عرف القلب التفاني
دورنا ع المواني
وما رسي فينا ع حال
فكرنا بقصة الرجوع
لقينا كل شي ممنوع
درب النزلة صار طلوع
والممكن يمكن محال
ليست هناك تعليقات:
إرسال تعليق